Emakulata Msafiri
Mwanakwetukids
Kwa muda mrefu watoto wa mtaa mmoja walikuwa wakicheza kwenye uwanja mdogo uliokuwa kati ya nyumba za makazi. Uwanja huo ulikuwa sehemu pekee ambayo watoto wengi waliweza kukutana na kucheza pamoja.
Siku moja baadhi ya wakazi walianza kutumia eneo hilo kuhifadhi vifaa vya ujenzi na mawe. Kadiri siku zilivyopita sehemu kubwa ya uwanja ilizibwa na watoto wakakosa nafasi ya kucheza.
Mtoto mmoja aliamua kuandika barua kwa mwenyekiti wa mtaa akieleza namna uwanja huo ulivyokuwa muhimu kwao. Aliambatanisha na mchoro ulioonesha watoto wakicheza kwenye eneo hilo kabla halijazibwa.
Mwenyekiti aliguswa na ujumbe huo na kuamua kuitisha mkutano wa wakazi. Katika mkutano huo watoto walipewa nafasi ya kueleza changamoto zao.
Baada ya majadiliano wakazi walikubaliana kuondoa vifaa vya ujenzi na kuurudisha uwanja katika matumizi yake ya awali. Pia waliweka utaratibu wa kuutunza ili usivamiwe tena.
Watoto walifurahi kuona kuwa maoni yao yalikuwa yameleta mabadiliko katika jamii.
emakulatemsafiri@gmail.com
0653903872
Post a Comment