Emakulata Msafiri
Mwanakwetukids
Asubuhi moja wanafunzi walikuwa
wamekusanyika uwanjani wakijiandaa kuingia madarasani. Miongoni mwao alikuwepo
Baraka mtoto aliyependa kucheka na kufanya utani na wenzake. Siku hiyo mwanafunzi
aliingia shuleni akiwa amevaa sare iliyochakaa na viatu vilivyokuwa vimeanza
kuchanika.
Baraka alipomwona alianza kumcheka mbele ya
wanafunzi wengine.
“Kwa nini umevaa viatu vya namna hiyo Huna
viatu vingine nyumbani" Baraka aliuliza huku akicheka.
Baadhi ya wanafunzi walijiunga naye lakini
Juma hakujibu. Alishusha kichwa na kuingia darasani kimya kimya.
Siku zilizofuata aliendelea kumtania kila
alipokutana naye. Hakujua kuwa Juma aliishi na bibi yake baada ya kumpoteza
mama yake, huku baba yake akiwa mbali akitafuta kazi. Bibi yake alijitahidi
kumpeleka shule licha ya changamoto za maisha.
Siku moja mwalimu aliwaagiza wanafunzi
kufanya kazi ya kikundi. Baraka na mwanafunzi mgeni walipangiwa kufanya kazi
pamoja. Mwanzoni Baraka hakufurahia uamuzi huo lakini aliamua kushirikiana
naye.
Walipokuwa wakifanya kazi Baraka aligundua
kuwa mwenzake alikuwa mwerevu sana na alielewa masomo kwa haraka. Juma
alimsaidia kuelewa maswali kadhaa ambayo yalikuwa yakimpa shida.
Baada ya masomo Baraka alimuuliza kwa nini
hakuwahi kujibu nilipo kuwa na kucheka. Mwanafunzi yule alimweleza kwa utulivu
kuwa hakuwa na uwezo wa kununua viatu vipya kwa wakati huo lakini alikuwa
akijitahidi kusoma ili kutimiza ndoto zake.
Maneno hayo yalimfanya Baraka ajisikie
aibu. Alitambua kuwa alikuwa akimhukumu mwenzake bila kujua hali aliyokuwa
akiipitia.
Siku iliyofuata Baraka alimwomba msamaha
mbele yao wawili na kuacha tabia ya kumcheka. Taratibu wakawa marafiki na
Baraka akajifunza kumheshimu kila mtu bila kujali mavazi au hali ya familia
yake.
emakulatemsafiri@gmail.com
0653903872
Post a Comment