Emakulata Msafiri
Mwanakwetukids
Kila jioni Amina alipokuwa akimaliza kazi za shule alipenda kukaa dirishani kwenye ghorofa ya saba na kutazama jiji. Aliona magari yakipita, watu wakitembea haraka na taa za barabarani zikianza kuwaka.
Lakini kila siku aliona jambo moja la ajabu. Kwenye jengo la pili kulikuwa na dirisha ambalo lilifunguliwa kwa dakika chache tu kila saa kumi na mbili jioni kisha likafungwa tena.
Amina alianza kujiuliza Ni nani anayeishi pale?
Siku moja aliamua kumwambia baba yake. Baba akamshauri "Badala ya kubashiri twende tukajue ukweli.
Walipofika kwenye jengo lile waligonga mlango. Aliwafungulia bibi mmoja mwenye tabasamu la upole.
Bibi aliwaeleza mjukuu wangu yuko hospitalini. Kila jioni ninafungua dirisha na kuwasha taa ndogo. Nilimwambia kwamba kila atakapoiona taa hiyo kutoka dirishani ajue kuwa ninamfikiria na ninamngoja arudi nyumbani.
Amina aliguswa sana na maneno yale.
Wiki chache baadaye mjukuu wa bibi alipona na kurudi nyumbani. Siku hiyo dirisha lilifunguliwa tena lakini safari hii waliinama wote wawili wakipunga mkono kwa furaha.
Amina alitambua kwamba wakati mwingine jambo linaloonekana la kawaida linaweza kuwa na hadithi kubwa ya upendo na matumaini nyuma yake.
emakulatemsafiri@gmail.com
0653903872
Post a Comment