SUNGURA MJANJA NA FISI MLAFI

 

Emakulata Msafiri

Mwanakwetukids

Hapo zamani paliishi Sungura mnyama mdogo lakini mwerevu sana. Karibu naye aliishi Fisi aliyekuwa maarufu kwa kula kila kitu na kutisha wanyama wengine.

Siku moja Fisi alimwendea Sungura na kusema kwa sauti ya kuogofya:

“Sungura leo nataka chakula chako Kama huna basi nitakula wewe!”

Sungura alijua hawezi kupigana na Fisi kwa hiyo akatumia akili. Akasema kwa upole

“Fisi kaka usijali kuna pango moja lenye chakula kingi sana. Tufike huko tukule pamoja.”

Fisi akafurahia sana “Twende haraka!” akasema.

Walitembea mpaka kwenye pango katika mlima. Pango hilo lilikuwa na mashimo mawili moja kubwa na lingine dogo sana la kutoka.

Sungura akaingia wa kwanza akapita ndani haraka mpaka kwenye shimo dogo. Fisi akafuata kwa tumbo lake kubwa. Lakini alipoingia ndani akakwama katikati! Hakuweza kusonga mbele wala kurudi nyuma.

Sungura akamwambia “Fisi rafiki ulitamani kula kila kitu mpaka ukashindwa hata kupita! Ulafi unaweza kukufanya uingie kwenye matatizo.”

Fisi akatulia na kuomba msaada. Wanyama wengine wakaja na kumsukuma hadi akatoka nje.

Tangu siku hiyo Fisi alijifunza kuwa ulafi na kutishia wengine havimsaidii mtu na akawa mpole zaidi.

emakulatemsafiri@gmail.com

0653903872