Emakulata Msafiri
Mwanakwetukids
Kulikuwa na simba mdogo aliyeitwa Singo. Singo alikuwa mwenye nguvu lakini aliogopa giza sana. Kila siku jioni alipokuwa akirudi nyumbani aliwahi kabla jua halijazama.
Siku moja marafiki zake Kinyonga, Ndege na Panya walimwalika kucheza mpaka jioni.
“Usiogope giza tuko pamoja” Kinyonga akasema. Walicheza wakacheka na muda ukapita bila wao kujua. Mara giza likaanza kuingia. Singo akaanza kutetemeka.
“Usijali Ndege akasem nitapaa juu nikuangazie njia.”
“Na mimi nitakushika mkia usipotee.”
“Kama giza likiongezeka nitabadilika rangi kukufurahisha" akasema Kinyonga.
Wakasafiri wote pamoja. Ndege akawa akiwamulikia kwa mwanga wa mwezi Panya akitembea karibu na Singo na Kinyonga akicheza na kubadilisha rangi zake.
Singo akatambua kitu muhimu. Marafiki wa kweli hukupa ujasiri hata kwenye giza.
Walipofika nyumbani Singo hakuhofia tena. Kuanzia siku hiyo hakuwahi kuogopa giza kwa sababu alijua hana haja ya kuwa jasiri akiwa peke yake bali akiwa na rafiki.
emakulatemsafiri@gmail.com
0653903872
Post a Comment