Emakulata Msafiri
Mwanakwetukids
Katika kijiji kimoja cha Iringa kulikuwa na kuku mweupe aliyemilikiwa na bibi mmoja aitwaye Bibi Rehema. Kuku huyu alikuwa maarufu kwa kutaga mayai mazuri na mengi. Kila asubuhi Bibi Rehema aliamka mapema kwenda kuangalia kama kuna mayai mapya.
Siku moja kuku mweupe alianza kutafuta sehemu salama ya kutagia. Akakaa kimya kwenye kona ya banda mahali palipokuwa na majani laini. Baada ya siku chache alitaga mayai sita.
Bibi Rehema alifurahi sana na akawa makini sana kuhakikisha kuku wake anapata chakula cha kutosha.Lakini pia kulikuwa na kondoo mdogo aliyezoea kucheza karibu na banda la kuku. Mara nyingi aliporukaruka alikuwa karibu kukanyaga mayai bila kujua.
Bibi Rehema alipogundua hilo alimwambia mjukuu wake Said hakikishe kondoo haingii banda la kuku. Mayai yanaweza kuharibika.”
Said akachukua kuni na kujenga uzio mdogo ili kuwazuia wanyama wasikaribie sehemu ya mayai. Kuku mweupe aliendelea kutaga na baada ya wiki tatu mayai yakaanza kupasuka moja baada ya lingine.
Siku hiyo vifaranga sita wadogo wenye manyoya ya njano walitoka kwenye mayai. Said alifurahi sana kuona maisha mapya yaliyotokana na uangalizi wao.
emakulatemsafiri@gmail.com
0653903872
Post a Comment