Emakulata Msafiri
Mwanakwetukids
Kulikuwa na kobe kijana aliyeitwa Kona. Kona aliishi karibu na bwawa lenye maji safi na miti mirefu. Alikuwa mpole na alitembea polepole sana lakini alikuwa na moyo mkubwa.
Siku moja wanyama wote wa msituni walikuwa na mashindano ya kuvuka mto. Simba, swala na chui wote walijisifu kuwa wao ni wakimbiaji wazuri.
Lakini Kona alisema kwa sauti ndogo “Nami nataka kujaribu.”
Wanyama wengine wakamcheka. “Wewe ni polepole sana huna nafasi!” walimwambia.
Lakini Kona hakukata tamaa. Alipoanza kuvuka mto hakukimbia alitembea taratibu hatua moja baada ya nyingine. Wakati wanyama wengine walichoka na kurudi nyuma Kona aliendelea mbele bila kuacha.
Mwishowe kwa mshangao wa wote Kona akafika upande wa pili wa mto wa kwanza kabisa! Wanyama wote wakapiga makofi na kumpongeza.
emakulatemsafiri@gmail.com
0653903872
Post a Comment