UPENDO WA LYDIA KWA SAMAKI

 

Emakulata Msafiri

Mwanakwetukids

Kulikuwa na msichana mdogo aitwaye Lydia aliyeishi kijijini kilichojaa milima na mito yenye maji safi. Lydia alikuwa na shauku kubwa ya kusoma vitabu na kugundua mambo mapya. Kila siku baada ya shule alitembea hadi mto uliokuwa mbali kidogo akikusudia kupata amani na nafasi ya kufikiria.

Siku moja aligundua mto huo ulikuwa na samaki wadogo wa rangi nyingi sana. Lydia aliamua kumsaidia samaki hao ambao walikuwa wakikimbia kwenye sehemu ndogo yenye maji machache. Alijenga njia ndogo ya maji ili samaki wote warudi kwenye sehemu kubwa ya mto na kwa kufanya hivyo alijifunza umuhimu wa kusaidia wengine bila kutegemea kitu chochote.

Wakati wa jioni aliporudi nyumbani Lydia aligundua kuwa furaha ya kweli haikuisha tu kwa kujifunza vitabu bali pia kwa kuonesha huruma na upendo kwa viumbe wengine. Kutoka siku hiyo Lydia alijua kuwa ndoto zake hazingeisha kwenye kusoma tu bali pia katika kufanya mambo mema kwa jamii na mazingira.

emakulatemsafiri@gmail.com

0653903872