FAIDA ZA MTOTO KULALA MCHANA

 

Emakulata Msafiri

Mwanakwetukids

Kulala mchana ni muhimu sana kwa mtoto kwa sababu kuna mchango mkubwa katika afya na maendeleo yake. Usingizi wa mchana huupa ubongo nafasi ya kupumzika na kuimarisha kumbukumbu. Hii humsaidia mtoto kufikiri vizuri kuelewa mambo mapya na kuwa na umakini anapofanya shughuli mbalimbali.

kulala mchana humsaidia mtoto kurejesha nguvu baada ya kuchoka kutokana na michezo au masomo. Mtoto hupata nguvu mpya na anaendelea na siku yake bila uchovu mwingi. Watoto wanaopata usingizi wa mchana mara nyingi huwa wachangamfu wenye furaha na hupunguza tabia za kulia au kuwa na hasira.

usingizi wa mchana huimarisha kinga ya mwili. Hii ina maana kwamba mtoto anakuwa na uwezo mzuri wa kupambana na magonjwa. Kadiri mwili unavyopumzika vizuri ndivyo unavyokuwa imara zaidi. Pia, homoni za ukuaji hutolewa zaidi wakati wa usingizi, hivyo kumsaidia mtoto kukua kwa afya.kulala mchana kunasaidia kuongeza utaratibu mzuri wa usingizi kwa mtoto. Mtoto anayepata usingizi wa mchana mara nyingi hulala vizuri zaidi usiku kwa sababu mwili wake una ratiba nzuri ya kupumzika. Hii humsaidia kuwa na afya bora na kuamka akiwa na nguvu siku inayofuata.

Kwa ujumla kulala mchana ni tabia muhimu kwa mtoto kwani humjenga kimwili, kiakili na kitabia. Mtoto anayelala mchana hukua vizuri anakuwa mwenye furaha na ana uwezo mkubwa wa kujifunza na kuishi maisha ya kila siku kwa ufanisi.

emakulatemsafiri@gmail.com

0653903872