ELIMU SI CHAGUO NI HAKI YA KILA MTOTO

 

Emakulata Msafiri

Elimu ni ufunguo wa maisha kwa watoto hii inamana kwamba elimu huwasaidia watoto kufungua milango ya mafanikio katika maisha yao. Kupitia elimu watoto hupata maarifa, stadi na maadili ambayo yanawaandaa kuwa watu wazima wanaojitegemea na wenye mchango chanya kwa jamii.

Elimu hutoa maarifa na ujuzi kupitia Elimu huwasaidia watoto kujifunza kusoma, kuandika na kuhesabu. Haya ni mambo ya msingi katika maisha ya kila siku. Pia, watoto hujifunza sayansi, historia na stadi mbalimbali ambazo zinawasaidia kuelewa dunia inayowazunguka.

Elimu hufungua fursa za ajira, Mtoto aliyesoma ana nafasi kubwa ya kupata kazi nzuri baadaye maishani. Kwa mfano, daktari, mwalimu, injinia au mfanyabiashara mwenye mafanikio lazima awe amepitia hatua fulani ya elimu.

Pia elimu husaidia watoto kuwa na fikra huru kufikiri kwa kina, kufanya maamuzi bora na kutatua matatizo kwa njia ya amani na busara. Hili huwasaidia katika maisha yao ya kila siku.

Pia elimu hujenga maadili na nidhamu, Shuleni watoto hufundishwa umuhimu wa nidhamu, heshima, uadilifu na kushirikiana na wengine. Haya ni maadili muhimu kwa mafanikio ya mtu binafsi na jamii kwa ujumla.

Elimu ni silaha dhidi ya umaskini na ujinga, Kupitia elimu watoto wanaweza kuvunja mzunguko wa umaskini uliorithiwa katika familia zao. Elimu huwapa uwezo wa kubuni miradi ya kujitegemea na kuchangia maendeleo ya familia na jamii.

Kwa ujumla elimu ni zawadi kubwa ambayo mzazi anaweza kumpa mtoto wake. Ni msingi wa maisha bora na yenye matumaini. Hivyo jamii inapaswa kuhakikisha kuwa kila mtoto anapata haki ya msingi ya kupata elimu bora na salama.

emakulatemsafiri@gmail.com

0653903872