Na, Emakulata Msafiri
Siku moja mvua kubwa ilinyesha msituni. Majani yalilowana, njia zikawa tope, na wadudu wengi wakajificha. Lakini jongoo alikuwa nje, akitembea polepole chini ya jani kubwa. Alikuwa na kazi muhimu – kutafuta chakula cha familia yake.
Njiani, jongoo alipita karibu na mdudu mdogo aliyekuwa amekwama kwenye matope.
"Samahani, unaweza kunisaidia?" mdudu yule aliuliza kwa sauti ya unyonge.
Bila kusita, jongoo alijivuta hadi karibu na kumsaidia mdudu huyo kupanda juu ya mgongo wake.
"Wapi unaishi?" aliuliza jongoo.
"Nyumbani kwangu ni chini ya mti ule mkubwa kule mbele," akajibu mdudu.
Ilikuwa mbali, na mvua ilikuwa bado inanyesha. Lakini jongoo aliendelea kutambaa taratibu huku mdudu akiwa juu yake. Walipofika, mdudu alishuka salama.
"Asante sana, jongoo. Umenisaidia sana leo. Ingawa watembea polepole, moyo wako ni mkubwa sana."
Jongoo alitabasamu na kusema, "Kasi siyo kila kitu – moyo mwema unaweza kufika mbali zaidi."
emakulatemsafiri@gmail.com
0653903872
Post a Comment