SIRI YA ZIMWI ALIYEVAA NGOZI YA BINTI

Na, Emakulata Msafiri

Zamani sana, aliishi mama na binti yake mrembo sana. Binti huyo alitamani kwenda kumtembelea shangazi yake katika kijiji cha mbali. Kabla ya kuondoka, mama yake alimwambia:

“Ukifika kwa shangazi yako, usisahau kurudi kwa wakati, na usiongee na watu usiowajua.”

Binti akaondoka. Njiani, alipokaribia kijiji cha shangazi yake, alikutana na Zimwi aliyekuwa amejibadilisha sura kuwa kama mwanadamu. Zimwi akamdanganya kwamba yeye ni rafiki wa shangazi yake na akamshawishi aingie kwenye pango lake kupumzika.

Alipofika pangoni, Zimwi akabadilika na kumfunga msichana yule. Akamficha humo na kujigeuza kuwa msichana huyo, kisha akaenda kwa mama yake mzazi wa yule binti.

Mama hakujua kwamba ni Zimwi aliyekuwa amejigeuza kuwa binti yake, lakini alishangaa tabia za “binti” wake zimebadilika. “Binti” hakutaka chakula anachopenda, aliongea kwa sauti nzito, na hakumkumbatia kama zamani. Mama akaanza kushuku.

Usiku mmoja, mama alisikia sauti kutoka dirishani ikilia:

“Mama, mama, nisaidie, mimi ndiye binti yako, Zimwi kanifunga!”

Mama akatambua ukweli. Aliita majirani na wakamvamia Zimwi, wakamchoma moto pangoni na kumuokoa binti yake. Tangu siku hiyo, binti huyo hakuwahi tena kuzungumza na watu wasiojulikana.

emakulatemsafiri@gmail.com

0653903872