TWIGA: MNYAMA MREFU ZAIDI DUNIANI

Na, Emakulata Msafiri

Twiga ni mnyama wa porini anayejulikana kwa shingo yake ndefu na miguu mirefu. Kwa jina la Kisayansi, twiga anajulikana kama Giraffa camelopardalis. Mnyama huyu hupatikana zaidi katika savana za Afrika, hasa katika nchi kama Kenya, Tanzania, na Afrika Kusini.

Twiga ni mnyama mrefu zaidi duniani. Dume anaweza kufikia urefu wa mita 5.5 hadi 6, huku jike akiwa mfupi kidogo. Wana rangi ya kahawia yenye madoa meupe au ya njano, ambayo huwatofautisha kulingana na aina yao. Shingo yao ndefu huwa na mifupa saba tu ya shingo – sawa na binadamu – lakini kila mfupa ni mrefu zaidi.

Twiga ni mnyama mla majani (mrumunyaji), na hupendelea zaidi majani ya miti ya mibanzi kama vile mti wa mikunde (acacia). Kwa kutumia shingo yao ndefu na ulimi mrefu wenye urefu wa hadi sentimita 45, wanaweza kufikia majani ya juu ambayo wanyama wengine hawawezi kuyafikia.

Wanaishi kwa makundi ya huru, na mara nyingi wanaonekana wakiwa pamoja kwa idadi ndogo. Ingawa wana miguu mirefu na mwendo wa polepole, wanaweza kukimbia kwa kasi ya hadi kilomita 60 kwa saa wanapohitajika kujilinda.

Jike wa twiga hubeba mimba kwa muda wa takribani miezi 15. Anapojifungua, twiga mchanga huanguka kutoka juu kwa urefu wa takribani mita 2, lakini mara nyingi hawadhuriki kutokana na uimara wa miili yao. Twiga mchanga huweza kusimama na kutembea ndani ya saa chache baada ya kuzaliwa.

Kwa sasa, baadhi ya aina za twiga wako hatarini kutokana na upotevu wa makazi yao na uwindaji haramu. Mashirika ya uhifadhi kama vile Giraffe Conservation Foundation yanashirikiana na serikali mbalimbali kuhakikisha kuwa twiga wanalindwa na kizazi kijacho kinaweza kuwaona wakiwa porini.

emakulatemsafiri@gmail.com

0653903872